14/09/2013 10:02:42

Shpejtësia, aksident i rëndë në Morinë

Tre persona humbin jetën pasi makina u përplas me bordurën në dalje të doganës

KUKËS - Shpejtësia e madhe, lagështira dhe pamja e kufizuar, qenë shkak për një përplasje fatale të makinës ku udhëtonin tre shtetas në dalje të Morinës. Aksidenti ndodhi mbrëmjen e vonë të së Premtes në autostradën e Kombit, rreth 2 km në dalje të doganës. Automjeti me targa Kosove sapo hyri në tokën shqiptare, u përplas me bordurën anësore të autostradës dhe ka dalë nga rruga. Ngjarja e rëndë ka ndodhur rreth orës 22.30 minuta. Shkaku i aksidentit ka qenë shpejtësia e madhe, lagështira dhe pamja e kufizuar. Për pasojë kanë humbur jetën 3 personat që udhëtonin me atë mjet, shtetasit Xhevdet Prapashtica, Ardita Bytyci, 34 vjec dhe Bujar Sinani, 35 vjeç. Në vendngjarje kanë shkuar forca të shutma të policisë lokale. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin